سيد جهاد الموسوي 5:42pm Jan 21
قصيــــــــــــــــــــــــــــــده لابي طالب والد الامام علي للشهيد رحيم المالكي
ياأبو طالب سيدي عذرا شكول
وخاف ماوفيك ارجو المعذره
سيدي التاريخ كتابه اظلموك
وظلمتك ناس جديده معاصره
مات كافر كالو وماأنصفوك
ونت للأسلام عزه ومفخره
ونته ماعندكم ذنب لا والرسول
لا وحق جفوف سبع الكنطره
انت كل ذنبك لأن والد علي
وحاولو يلكون زله بحيدره
انت لو والد هند جاقدسوك
وجان ابو هريره ترسلك دفتره
وكون ابو سفيان نجلك سلسلوك
ابأول العشره بحديث أمبشره
وحاشه لسمك يقترن بيه الفجور
وفرق مابين الثريا والثرى
اشجاب اصحاب الرذيله والفسوق
الوالد العتره الشريفه الطاهره
وانت اول من حمه بصدر الرسول
بالنفس والمال وابنه وآزره
واللذين أوو ونصرو بالكتاب
خلي تفهمها العقول النيره
لبو طالب هاي انزلها الجليل
وهذا مو شعر وكلام نسطره
مريم العذراء يكفلها نبي
لأن حامل في نبي ووتتنطره
ماقبل يكفلها مشرك مستحيل
لأن ربك هالأمر يستنكره
شلون يقبلها على خير الأنبياء
مشرك الياويه وكافر ينصره
وهو لومامعتنق دين ابو اخوه
اشلون ثلث اسنين قومه تحاصره
لكن شنحجي خله الجو للطغاة
وكتبت التاريخ زمره وكافره
==============[size=24][/size]
الإثنين يناير 23, 2012 5:23 am