Waleed Hask 8:09pm Mar 13
لازم كلبي بيدي وكاعد انتظرك
تانيتك تجي وماجيت شمصبرك...
واكف كل كياني وروحي تتلكاك...
من كلبي اندعي المانع عسه لأمرك...
دكات الكلب تحسبلك اللحظات
... وعيني معلكه اعله الباب تنتظرك...
لحظات انت عندك وانه عندي سنين
وسنيني بمحــــبتك نستك قهــــــــرك...
مالازم تجيني ولا تشوفك عيــــــــن
بس منك عذر وديلي عن هجــــرك...
زرعت كل عمري لجلك من ورود اشكال
وعطر وردي بدلالك مايجي لعطـــــــرك...
عمري انطيك لو منـــــــي عمر تحتاج
واموتنلك بعد خاطر يضل عمـــــــــرك...
ومو بفلوس كلبـــــــي ولا سعر ينباع
لانك انت بــــي غالي يضل سعـــــرك
بس وصيه اوصيلك قبل لا اموت
احفظ سري مايوم فضحت سرك...
واكتب عالكبر هذا الفداني الروح
واخذ دمي حبر لو وشلت حبرك
واخذ دمي حبر لو وشلت حبرك
============
الأربعاء مارس 14, 2012 4:08 am