Omar Ibraheem 11:07pm Jan 1
هاك الروح بيدك وأنته حر شتريد
سوي ألي تحسه أيطفي ألك نارك
معذور أنه أعذرك لأن كلبي وياك
خطوه بخطوه يمشي ويعرف أخبارك
تعرفني أنته زين وأكثر من الناس
... ... أحط روحي سعف بس أحمي جمارك
تزعلني وأحبك وأنتشي بطرواك
وروحي أتذوب لهفه من أسمع أشعارك
ياكلشي أنته عندي وكلشي أنته وياي
عاين عله جروحي ويكفي أعذارك
مو تدري الوصيه تلوح سابع جار
ياجيران كلبي شبيك وي جارك
===================