احمد الجابري
Admin
عدد المساهمات : 54
تاريخ التسجيل : 16/10/2011
 | موضوع: ابوذيات للمبدع علي الحسناوي من سوق الشيوخ واتمنى تعجبكم  الإثنين أكتوبر 24, 2011 5:37 pm | |
|
ابوذيات للمبدع علي الحسناوي من سوق الشيوخ واتمنى تعجبكم
اليفزعلي ابعسر افزعله وكت الضيــــــج
والغنه ابفرحتي ابفرحه اغنيلــــــــــه
مربيه البرد والما صبح جانــــــــــون
لاينخاني وكت الصيف اهفيلـــــــــــه
زماني وبعد ماودله وحبلـــــه
خبيث وكصر ابوصله وحبلــــه
صرت عاكر ولي اشريجه وحبلــــه
تنست وانه الخدمه بديــــــــه
اليضدونك لخليهم يهلكـــــــــون
وصومن وانتضر شخصك يهل كـــــون
احبنه يهل عالم يهل كــــــــــون
وملامتكم تزيد العشك بيـــــــــه
نزامط بيك يسمر ونتباهـــــــــه
لأن ام روحي انته ونت باهــــــــه
الكلب صارت صفنته ونتباهـــــــه
الك ويموت اذا ماتمر بيــــــــــه
يولفي اخلافك الاحوال دجـــــت
وخناجر بالضهر شمات دجـــــت
طرت لمن شفت جنحان دجـــــت
نسيت اشلون باريتك بديـــــــه
قسم بالدين وبعشرت مراجـــــع
احبك كلت وبحجيي مراجـــــع
طبيبي انته وصرت بيدك مراجــــع
ضحكتك طيبت كل مرض بيـــــه
الجرح يسعر وكول يزول ويهيـــن
ولساني المايذم صحبان ويهيــــن
وجه واحد الي وماصار ويهيـــن
اشعجب ربعي ابكفاي اطعنت بيــه
الكتمت الهم لسنهم شيعنـــــي
ويصاحب ماوصلكم شي عنــــي
متت وجفوف شامت شيعنـــــي
وبري الذمه ابحقد يصرخ عليـــه
ونعم ياروح مامره دنيتـــــــي
ومحبه وطيب للوادم دنيتـــــــي
شسوي وهاي يبنادم دنيتـــــــي
زرعت الزين خضر شين اليـــــه
يروحي وارد اشيرنج شرايـــــج
ابيعج بلوزه وشامت شرايــــــج
عداوه ويلفرح صرنه شرايــــــج
حقد عنده اشكثر شايل عليـــــه
صديجي وضل غدر ينبض وريـــــده
ويصاحب صوج كلبي ومن وريـــــده
غدرني الجنت احبنه وريــــــــده
وفالي الجنت اضنه ايخون بيـــــــه
غريبه الروح وين انتم يهلهـــــــه
لفاهه الضيم ويساعت يهلهـــــــه
اخوي ودمعته ابنومه يهلهــــــــه
لأن طاف ابحلم بي خير اليـــــــه
عن اسهام الخطر كوه بواخـــــر
لأن شايل حمل غرك بواخــــــر
كرب يومي وصرت عايش بواخــر
عمري وبس شبر عن المنيـــــه
شمسهه اتضوي للصاحب تره سمـــاي
وعله اوراق الوفه امسجل تره سمـــاي
عطش وكلاص من عيني ترس مـــاي
عماني وللهلاك يكود بيـــــــه
| |
|
