7[color=red]:52am Nov 12
بلدي
مستحيه القصيدة وردت من الباب شافت هيبتك وانعكدت ببابك
چهبت واستحت من مشية الجلمات ياچلمة التلوگ تحني اعتابك
بچت من شافتك ونه وحسافه واه, و من شافت عليك امرعده ثيابك
ونت ياعراق وحن عليهه اليل والتفت غريبه وحضنت ترابك
صاحت ياعراق شغيرك ياحيد يا موگد دليل الما سكر بابك
اجيتك چنت اضنك صنگر الكلفات تتلگه الرصاص وتعگد اركابك
اجيتك مادريتك صوباك البين ولا واحد فزع بس ونة غرابك
حسافه وچان سدرك للزلم مشراد يمسي من الظلام مزنجر گرابك
ندمه والف وسفه وياكلافه وحيف تتمدد دريچ بحره صوابك
وانته الماچنت تعرف سوالف خوف ذباك الزمان ولذت بچلابك
گصى وياك الزمان هواي وتولاك , حتى الماله زود تحنحن وعابك
حسّبنه السوالف جيل يتبع جيل بس مامر مصاب بمثل اماصابك
يلثارك غريب وللخلگ مهدور مافاد الفزع من مالت شبابك
مدري شصار بيك ودوهناك البين من دون الخلگ متمرمره احبابك
شد حيلك تره موازيك حد الليل وذياب الطرف ماتگبل ذيابك
لاترخي الدمع والشامت متانيك وانثر فرحة االمشبوك باهدابك
من ترخي الدمع يسبع عليك الليل وتحودك همومه وتكسر انيابك
اجيتك ماردت منك دمع محزون ردتك بالصبر تطَّرز اثيابك
ردتك دار وسعه شماعلاك الظيم اخذ من دم وريدي وجدد اخضابك
السبت نوفمبر 12, 2011 10:06 pm