أهوار العراق
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

أهوار العراق

أهوار العراق
 
الرئيسيةأحدث الصورالتسجيلدخول

 

 قصيده للشاعر عمار براهيم

اذهب الى الأسفل 
كاتب الموضوعرسالة
ابومهند الجابري




عدد المساهمات : 404
تاريخ التسجيل : 01/11/2011
العمر : 63
الموقع : منتدى اهوار العراق

قصيده للشاعر عمار براهيم Empty
مُساهمةموضوع: قصيده للشاعر عمار براهيم   قصيده للشاعر عمار براهيم Emptyالأحد يناير 01, 2012 11:35 pm

Omar Ibraheem 5:32pm Jan 1

بطلت العشك وانسيت الاشعار
وطلكت الشعر من غير رجعه

شعندي ويه الشعر من بعد الاحباب
والمن القي شعري ومن يسمعه ؟
اريد انهي البديته اليوم وارتاح
واريد بهل القصيده اليوم اودعه
تسعه الناس تسمع مني اشعار
واني وشعري كله لكلبك اسمعه
وسبعه من السبوع تصير الايام
بس وياك احس اليوم سبعه
طبعه وبالكلب خليت واختام
ومن طبع الكلب ما ينسه طبعه
ربع من الكلب للناس محجوز
والك كل الكلب ناسه ويه ربعه
عفت شغلي وبقيت وياك محتار
ولكيت اني بمحبتك خوش صنعه
لجل عينك جرعت هواي عذال
وسكرت بعشكك اني بغير جرعه
ومضه من المضه لو يرجع الفات
وشيرجع المضه ولو بيدي ارجعه
شمعه الناس تشعل من يجي الليل
وانا الكضيت عمري اشتعل شمعه
بس هوايه كافي وياك لهنـــا
النهايه وياك صارت حيل بشعه
اريد اتخفه عنك والبس قناع
واريد بكلبي غيرك هم اقنعه
واريد احجي واسولف بالتفاصيل
واريد لضيم كلبي كله اطلعه
واريد المشتره يتفرج اليوم
على حسابي آذيته تصير سلعه
واريده يبجي هسه الما ضحك يوم
مو دمعة حزن بس فرح دمعه
تعال اسمعه لكلبي يردد اهواك
واذا انت اكرهت ما اظن تسمعه
كمت تسد أذانك من عليك يصيح
كلبي هسه صار يجيب سمعه ؟
الك قلعة عشك بالكلب سويت
بس هسه بقت انقاض قلعه
اريد اقلع القلعه بكلبي وارتاح
واذا كلبي اعترض هم كلبي اقلعه
الك دفعة بله انطيت انا الروح
وانت الكتلي روح وياها دفعه
اني الينسه حبي وينكر الطيب
لا مو بس البسه هم انزعه
واحركه بنار كلبي الما طفت يوم
واجزعه من الحياه والدنيه اجزعه
سنه ما تهنه الي ضحك بيه
وبنفس سنه اخليه يعض اصبعه
شسويله بعد مو كافي مليت
اشمرله الكلب ويحطلي درعه
وارجع من جديد وكلبي مكسور
والملم قطع كلبي قطعه قطعه
بعده هالكلب ليهسه ما طاب
ووره يومين يرجع نفس وضعه
هم يحن يرجع تالي يشتاك
يجي ولباب كلبك هم يقرعه
اتعجب عليك شلون تفكير
ما ادري عذابي الك متعه !
مو صوج الوكت لا بينه هالصوج
اليحب بهالوكت ياكله وجعه
عاتبني الشعر بحروف الابيات
شنو ذنبي الوصل عني تكطعه
جنت تشكيلي واشكيلك بالهموم
الزرعته وياك طيب لا تشلعه
كلامك هاذ مو ؟ لو اني غلطان
خويه المدلك ايده لا تصفعه
بسك يا شعر لا تعتب ارجوك
لا تظن الاصل يتناسه فرعه
لا تصدك اعوفك جذب انساك
بس ردت اني اسوي وياك خدعه
لان ما ظلي غيرك يسمع اجروح
وكبر جرحي يا بحرك صار وسعه‬
=====
=========
الرجوع الى أعلى الصفحة اذهب الى الأسفل
http://www.aljabery.tk
 
قصيده للشاعر عمار براهيم
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصيده للشاعر حسين الجابري في عيد الغدير
» عمار براهيم
» عمار براهيم والضريره
» عمار براهيم ضنيتك مطر
» موال عمار براهيم

صلاحيات هذا المنتدى:لاتستطيع الرد على المواضيع في هذا المنتدى
أهوار العراق :: قصائد واشعار-
انتقل الى: