السويط الساده ال سويط posted in منتدى أهوار العراق.
السويط الساده ال سويط 6:46pm Nov 12
شعر بحق الامام علي عليه السلام روحي فداك ياابا الحسنين
يا ابو الحسنين اجيتك والقلب مهضوم
واريد انخاك نخوة عرب يالبلكرم ماثور
وحاشاك و تردلك سايل ومحتاج
وماخاب اليطب الحضرتك ويزور
اجيتك سيدي واحضنته للشباج
واحس روحي بعجابة وبالضريح اتدور
شف دمعات حزنانة وتريد مراد
وشفت ناس التهلهل وناس توفي انذور
وجن صوت الضمير بحضرتك مغتاظ
يصيح بعالي صوته يريد جن يثور
علي باب الحوايج قاضي الحاجات
علي منهل عذب منة تفيض بحور
علي صوت الرسالة ومنبر الاسلام
علي تاريخ والتاريخ بيه مشهور
علي سيف الفقار ورافع الرايات
علي بكل المعارك اخذ اعظم دور
علي نهج البلاغة وعلم للاعلام
علي بحر العلوم الماتلمة اسطور
طلعت من الصحن واهتف بعالي الصوت
تظل دومك مجد وللشيعة اعظم سور
استحة بيت الشعر منك يا ابو الحسنين
وسجد حتى القلم ظل حاير ومبهور
وسجد حتى القلم ظل حاير ومبهور
الأحد نوفمبر 13, 2011 3:20 am